चितवनमा लागु औषधसहित दुईजना पक्राउ

चितवन / चितवनमा लागुऔषध दुई जना पक्राउ परेका छन । पक्राउ पर्नेमा राप्ती नगरपालिका वडा नम्बर २ बस्ने सुदिप भन्ने तारानाथ पाण्डे र भरतपुर महानगरपालिका वडा नम्बर ११ का रजत श्रेष्ठ रहेका छन् ।
जिल्ला प्रहरी कार्यालय चितवनका अनुसार राप्ती नगरपालिका वडा नम्बर ३ गड्यौलीबाट लागु औषध नाईट्राजेपाम ४९० ट्याब्लेटसहित तारानाथ पाण्डेलाई आइतबार पक्राउ गरिएको हो । यस्तैगरी भरतपुर महानगरपालिका वडा नम्बर ११ मालपोतचोक नजिकै रजत श्रेष्ठले संचालन गरेको मुक्तिनाथ डिजिटल फार्मेसीबाट सोमबार उनी पक्राउ परेका हुन् ।
प्रहरीले श्रेष्ठको पसलबाट केयरज्याक १७ एम्पुल नुरफिन १७ एम्पुल, फेनेरागन १७ एम्पुल, नाइट्रभेट –१० ३८ ट्याब्लेटसहित पक्राउ गरेको हो । उनीहरुलाई पक्राउ गरी थप अनुसन्धान भइरहेको प्रहरीले जनाएको छ ।