निको हुने संख्या दोब्बरभन्दा बढी, थप ४९१४ संक्रमणमुक्त

काठमाडौं / पछिल्लो २४ घण्टामा नेपालमा थप ४९१४ जना कोरोना संक्रमण मुक्त भएका छन् । स्वास्थ्य तथा जनसंख्या मन्त्रालयको नियमित प्रेस ब्रिफिङ मार्फत् थप ४९१४ जना कोरोना संक्रमण मुक्त भएको हो ।
यससँगै कुल कोरोना संक्रमण मुक्त हुनेको संख्या ५ लाख ८१ हजार ३२७ पुगेको छ । निको हुनेको दर ९१.९ प्रतिशत छ ।
यस्तै थप २ हजार १६ जनामा कोरोना भाइरसको संक्रमण पुष्टि भएको छ । मन्त्रालयका अनुसार पीसीआर विधिबाट ४७०७ र एन्टिजेन विधिबाट ४८०६ जनामा परिक्षण गर्दा २ हजार १६ जनामा संक्रमण पुष्टि भएको हो ।
यससँगै नेपालमा कुल संक्रमितको संख्या पीसीआरबाट ६ लाख ३२ हजार ३२६ र एन्टिजेनबाट ३१ हजार ५३१ जना पुगेको छ ।
आजै संक्रमणबाट थप ३० जनाको मृत्यु भएको छ । नेपालमा कोरोनाबाट ज्यान गुमाउनेको कुल संख्या ८ हजार ९७५ पुगेको छ ।