चितवनमा थपिए १९० जना संक्रमित, एकैदिन ६ को मृत्यु

चितवन / चितवनमा पछिल्लो २४ घण्टामा १९० जनामा कोरोना संक्रमण पुष्टि भएको छ । स्वास्थ्य कार्यालय चितवनका अनुसार भरतपुर महानगरपालिकामा १२३ जना, खैरहनी नगरपालिकामा ८ जना, माडीमा ९ जना, रत्ननगरमा २७ जना, राप्तीमा ६ जना, कालिकामा १५ जना र इच्छाकामनामा २ जना रहेका छन् । योसँगै चितवनमा सक्रिय संक्रमितको संख्या एक हजार ६४८ जना रहेका छन् ।
यसैगरी विभिन्न अस्पतालबाट ३३ जना कोरोनामुक्त भएका छन् । चितवनका विभिन्न अस्पतालमा २०१ जनाले उपचार गराइरहेका छन् । जसमध्ये आईसीयूमा ६५ जना, भेन्टिलेटरमा ११ जना, एचडीयूमा ४० जना र जेनरल बेडमा ९६ जना रहेका छन् ।
त्यस्तै चितवनमा कोरोना संक्रमणबाट आज एकैदिन ६ जनाको मृत्यु भएको छ । मृतकमध्ये भरतपुर अस्पतालमा उपचारको क्रममा ३ जना, चितवन मेडिकल कलेजमा २ जना र पुरानो मेडिकल कलेजमा १ जनाले ज्यान गुमाएका हुन् । जसमा पाँच जना चितवन जिल्लाकै र एक जना बाहिर जिल्लाका रहेका छन् ।