कुलमान घिसिङलाई प्राधिकरणमा नियुक्त गर्न निर्देशन

काठमाडौं / प्रधानमन्त्री शेरबहादुर देउवाले कुलमान घिसिङलाई नेपाल विद्युत प्राधिकरणको कार्यकारी निर्देशकमा नियुक्त गर्न उर्जामन्त्री पम्फा भुसाललाई निर्देशन दिएका छन् ।
प्रधानमन्त्री देउवाले आवश्यक प्रक्रिया पुरा गरेर घिसिङलाई प्राधिकरणको कार्यकारी निर्देशक नियुक्त गर्न भुसाललाई निर्देशन दिएको देउवाको सचिवालयले जनाएको छ ।
झण्डै एकवर्षअघि कार्यकाल पुरा भएपछि तत्कालीन केपी ओली सरकारले हितेन्द्रदेव शाक्यलाई प्राधिकरणको कार्यकारी बनाएर लगेको थियो । उनको काम सन्तोषजनक नभएको ठहर सहित देउवा सरकारले कुलमान घिसिङलाई निर्देशक बनाउन निर्देशन दिएको उनको सचिवालयले जनाएको छ ।
त्यसअघि विद्युत प्राधिकरणको निर्देशकमा कुलमान घिसिङ नै थिए । घिसिङले चार वर्षे अवधिमा लोडसेडिङ अन्त्य गर्नुका साथै प्राधिकरणको शाख उचो पारेका थिए ।