चितवनमा थप ७१ संक्रमित, एकैदिन पाँचको मृत्यु

चितवन / चितवनमा पछिल्लो २४ घण्टामा ७१ जना कोरोना संक्रमण पुष्टि भएको छ । संक्रमित हुनेहरुमा भरतपुर महानगरपालिकामा ५२ जना, खैरहनी नगरपालिकामा एक जना, माडीमा सात जना, रत्ननगर नगरपालिकामा सात जना, राप्ती नगरपालिकामा एक जना, कालिका नगरपालिकामा दुई जना र इच्छाकामना गाउँपालिकामा एक जना रहेको स्वास्थ्य कार्यालय चितवनले जनाएको छ ।
कार्यालयको तथ्यांक अनुसार जिल्लामा सक्रिय संक्रमितको संख्या एक हजार २५४ जना रहेको छ । जसमध्ये घरमा आइसोलेसनमा एक हजार १८७ जना र अस्पालको आइसोलेसनमा ६७ जना रहेका छन् ।
यस्तै कोरोना संक्रमणबाट विगत २४ घण्टामा पाँच जनाको मृत्यु भएको छ । स्वास्थ्य कार्यालय चितवनका अनुसार भरतपुर अस्पतालमा दुई जना र चितवन मेडिकल कलेजमा तीन जना कोरोना संक्रमितको मृत्यु भएको हो । मृतकमध्ये चितवनका तीन जना, मोरङको एक जना र लमजुङको एक जना रहेका छन् ।
चितवनका विभिन्न अस्पतालमा ९१ जना कोरोना संक्रमित बिरामीहरुले उपचार गराइरहेका छन् । जसमध्ये आईसीयूमा ३४ जना, भेन्टिलेटरमा सात जना, एचडीयूमा २४ जना र सामान्य बेडमा ३३ जना रहेका छन् ।
त्यस्तै विगत चौबिस घण्टामा विभिन्न अस्पतालबाट १७ जना कोरोनाका बिरामी डिस्चार्ज भएका छन् ।