चर्चित गायन रियालिटी ‘नेपाल आइडल’ आजदेखि सुरु

काठमाडौं / नेपालमा चर्चित गायन रियालिटी शो ‘नेपाल आइडल’को चौथो सिजन आज बिहीबारदेखि सुरु हुँदैछ । ‘नेपाल आइडल’ ४ का होस्ट आसिफ शाहका अनुसार एपीवान टेलिभिजनबाट प्रसारण हुँदै आएको उक्त शो राति ८ः३० बजेदेखि सुरु हुने भएको हो ।
शाहले नेपाल आइडल सिजन–४ मा नयाँ जजहरू समेत थपिएको जनाएको छ । जसमा वरिष्ठ संगीतकार शम्भुजित बास्कोटा, सुगम पोखरेल र सिवानी मोक्तानले जजको भूमिका निर्वाह गर्ने भएका छन् । उद्घोषकमा आसिफ शाह र रेश्मा घिमिरे रहने छन् । अबको चार महिनापछि नेपालले चौथो नेपाल आइडल पाउनेछ ।
यसअघि पनि मुख्य प्रयोजक रहेको रूपमा कोका–कोला अहिले पनि निरन्तरता दिने भएको छ ।