एमसीसीको विरोधमा चितवन बन्दको आब्हान : संघर्ष समिति

चितवन / एमसीसी खारेजी अयिभान संयुक्त संघर्ष समिति चितवनले एमसीसी खारेजीको माग गर्दै भोलि मंगलबार चितवन बन्दको आब्हान गरेको छ । १३ वटा राजनीतिक दलको समर्थनमा बन्द आब्हान गरिएको संघर्ष समितिका सचिव अजीव पौडेलको दाबी छ ।
संघर्ष समितिका सचिव पौडेलले बन्दमा माधव कुमार नेपाल नेत्तृत्वको नेकपा एकिकृत समाजवादी र विप्लव नेतृत्वको नेकपा लगायतका १३ दलको समर्थन रहेको बताए । बन्द गर्नु रहर नभई बाध्यता भएको उनको भनाइ थियो । बन्दका दिन शैक्षिक संस्था, कलकारखाना, बजार र यातायात बन्द रहने पौडेलले जानकारी दिए ।
यसैबीच संघर्ष समिति चितवनले एमसीसीको विरोधका लागि चितवन बन्द सफल बनाउन निकालिएको मसाल जुलुस प्रहरीले हस्तक्षेप गरेको छ । सो क्रममा प्रहरीले आन्दोलनकर्ताको मसाल खोसेको हो भने मसाल जुलुस निकाल्न नपाएपछि उनिहरुले एमसीसीको बिरोधमा केहीबेर चर्को नाराबाजी गरे । उनीहरुले लायन्सचोकदेखि शहिदचोकसम्म ¥याली समेत निकाले ।
एमसीसी राष्ट्रको हितमा नरहेको र देशलाई अमेरिकाको जिम्मा लगाउने योजनाका साथ नेताहरु प्रयोग भइरहेको पौडेलले बताए । चितवन प्रशासनले भने भोलि जिल्लामा सबै क्षेत्र निर्वाद रुपमा संचालन हुने भन्दै बन्द गराउँदै हिँडे गिरफ्तार गरिने जनाएको छ ।