चितवनका पत्रकार तुलमान गुरुङ नगदसहित सम्मानित

वीरेन्द्रनगर / तमू समाज पूर्वी चितवन, राप्ती नगरपालिकाले तमू ल्होसार–२०७८ को अवसर पारेर पत्रकार तुलमान गुरूङलाई नगदसहित सम्मान गरेको छ । पत्रकार गुरुङलाई पत्रकारिता क्षेत्रमार्फत समाजमा गुरूङ समुदायको प्रतिनिधित्व गर्दै महत्वपूर्ण योगदान दिएकोमा सम्मान गरिएको हो ।
पत्रकार गुरूङलाई नगद पाँच हजार रूपैयाँसहित सम्मान–पत्र र दोसल्लामार्फत सम्मान गरिएको हो । राप्ती नगरपालिका वडा नं ७ मा आयोजित ल्होसार कार्यक्रममा बागमती प्रदेशको उद्योग, वाणिज्य तथा आपूर्ति मन्त्री मिलनबाबु श्रेष्ठ मार्फत पत्रकार गुरूङ सम्मानित भएका हुन् ।
पत्रकार गुरुङ चितवन पोष्ट दैनिक पत्रिकामा विगत ८ वर्षदेखि आवद्ध छन् । उनले यसअघि बेसो च्यानल, सिनर्जी एफएम लगायत विभिन्न मिडियामा समेत काम गरिसकेका छन् । पत्रकारिता क्षेत्रमा उनले छुट्टै पहिचान बनाउन सफल पत्रकार हुन् ।
गुरूङ समुदायबाट सक्रिय पत्रकारिता गर्दै खोजपत्रकारितामार्फत समाज रुपान्तरणमा थप ऊर्जा प्रदान गर्न सकून् भन्ने उद्देश्यले नगदसहित सम्मान गरिएको कार्यक्रम संयोजक जीना गुरूङले बताइन् ।
सोही अवसरमा समाज सञ्चालनमा विभिन्न माध्यमबाट योगदान पु¥याएका अन्य व्यक्तिहरुलाई पनि सम्मान–पत्र प्रदान गरिएको थियो । सोही अवसरमा ज्येष्ठ नागरिकलाई पनि दोसल्ला ओढाएर सम्मान गरिएको थियो ।