उवा संघको व्यवसाय प्रवद्र्धन र सूचना प्रविधि विषयक अन्तरक्रिया

चितवन / चितवनमा व्यवसाय प्रवद्र्धन र सूचना प्रविधि विषयक अन्तरक्रिया कार्यक्रम सम्पन्न भएको छ । उद्योग वाणिज्य संघ–चितवन र कम्प्यूटर एशोसियसन अफ नेपाल चितवनको संयुक्त आयोजनामा सो कार्यक्रम भएको हो । राष्ट्रिय सञ्चार तथा सूचना प्रविधि दिवसको अवसरमा उक्त कार्यक्रम गरिएको हो ।
उद्योग वाणिज्य संघ चितवनका अध्यक्ष चुननारायण श्रेष्ठले व्यवसायलाई सूचना प्रविधिमैत्री बनाउनु बताए । अध्यक्ष श्रेष्ठले अबको व्यवसाय प्रवद्र्धन हार्डवर्कीङ्गको जमानाबाट नेटवर्कीङ्गको जमानामा प्रवेश गरिसकेकोले प्रविधि र व्यवसायलाई सँगै लैजानुपर्ने धारणा राखे ।
उनले अहिलेको बजार बृहत भएको बताउँदै प्रतिष्पर्धामक रुपमा आफूलाई प्रविधि मैत्री बनाउन व्यवसायीलाई आग्रह गरे ।
कार्यक्रममा उद्योग वाणिज्य संघ–चितवनका प्रथम उपाध्यक्ष चिरञ्जिवि सुवेदी, तृतिय उपाध्यक्ष सिरिष पन्त, क्यानका वागमती प्रदेश उपाध्यक्ष विष्णुप्रसाद लामिछाने लगायतको उपस्थिति थियो ।
कार्यक्रममा ८० जना व्यवसायीहरुको सहभागिता रहेको थियो । कार्यक्रम उद्योग वाणिज्य संघ–चितवनका कार्यक्रम अधिकृत गणेश सुवेदीले सञ्चालन गरेका थिए ।