भरतपुर अपडेट : ३५० मत गणना हुँदा दाहाल १३३, सुवेदी १२७

चितवन / चितवनको भरतपुर महानगरपालिकामा पाँच दलीय गठबन्धनका मेयर रेनु दाहालले १३३ ले अग्रता लिएकी छिन् । भरतपुर वडा नं. १ को ३५० मतगणतना हुँदा दाहालले १३३ मतले अग्रता लिएकी हुन् ।
उनका प्रतिद्वन्द्वी एमालेका विजय सुवेदीले १२७ ल्याएका छन् । दाहाल सुवेदीभन्दा ६ मतान्तरले अघि देखिएकी छिन् । यस्तै जगन्नाथ पौडेलले ४१ मत ल्याएका छन् । उनी मेयरका स्वतन्त्र उमेदवार हुन् ।
त्यस्तैगरी उपमेयरका चित्रसेन अधिकारीले १६२ मत ल्याएका छन् भने राष्ट्रिय प्रजातन्त्र पार्टीकी हिमला गुरुङले ९१ मत ल्याएकी छिन् । अधिकारी गठबन्धनबाट उमेदवारी दिएका हुन् । यस्तैगरी कांग्रेसका वडाअध्यक्षका उमेदवार केशव महर्जनले १६४ मत ल्याएका छन् भने उनका प्रतिबद्वन्द्वी एमालेका शुक्रकुमार श्रेष्ठले १३७ मत ल्याएका छन् ।
मतगणना तोकिएको समयभन्दा झण्डै २ घण्टा ढिला गरी सुरु भएको हो । मुख्य निर्वाचन अधिकृतको कार्यालयले बिहान ९ बजेबाट गणना गर्ने भने पनि झन्डै २ घण्टा ढिला गरी मतगणना सुरु भएको हो । भरतपुर महानगरपालिका १ बाट मत गणना सुरु गरिएको हो ।
देशैभर चासोको रुपमा हेरिएको भरतपुर महानगरपालिकाको कसले बाजी मार्ला भन्ने कौतुहलताको विषय बनेको छ । चितवनका हरेक जनसमुदायले समेत अत्यन्तै चासोका रुपमा हेरिरहेको छ ।
पाँच दलील गठबन्धनबाट रेनु दाहाल र नेकपा एमालेबाट विजय सुवेदीले मेयरमा उमेदवारी दिएका हुन् । दाहाल भरतपुर महानगरपालिकाको निवर्तमान मेयर पनि हुन् ।