कालिकामा गरीबलाई निःशुल्क एम्बुलेन्स सेवा दिइने अध्यक्ष मुक्तानको निर्णय

चितवन / कालिका नगरपालिका वडा नं ७ का नवनिर्वाचित वडा अध्यक्ष कमलराज मुक्तानले सोमबार वडाको पदभार ग्रहण गर्दै ३ वटा मुख्य निर्णयहरु गरेका छन । वडा अध्यक्ष मुक्तानले वडा भित्रका अति बिपन्न बर्गका समुदायहरु र सुत्केरी महिलाहरूलाइ हस्पिटलसम्म लान र ल्याउन नि:शुल्क एम्बुलेन्सको ब्यबस्था गर्ने निर्णय गरेका हुन ।
अति बिपन्न बर्गमा मानिसहरु बिरामि हुँदा खान लाउनमै समस्या भएका कारण हस्पिटल सम्म जान नसकेका हरुलाई उनको निर्णयले राहत पुग्ने देखिएको छ । त्यसैगरी कालिका ७ काठ चोरी तस्करीको मुख्य नाका रहेको र त्यसलाई रोक्न अझैसम्म असफल रहेकाले कालिका ७ का मुख्य बन नाका हरुमा सिसि टिभि क्यामेरा जडान गरी आफ्नो वडाबाट तस्करी रोक्ने बताएका छन ।
वडा अध्यक्ष मुक्तानले वडामा सेवाग्राहीका लागि आबश्यक पर्ने निवेदन लगायतका कागजपत्र निशुल्क उपलब्ध गराई चुस्त दुरुस्त सेवा दिन ब्यबस्थित सहायता कक्ष (हेल्प- डेस्क) स्थापना गर्ने निर्णय गरेका हुन । सेवाग्राहीहरु वडामा सेवा लिन आउँदा अलमलमा पर्नु पर्ने, झन्झट ब्यहोर्न पर्ने हुँदा सो को अन्त्यका लागि हेल्प डेस्क स्थापना गर्ने निर्णय भएको छ ।