June 13, 2024

उद्योग वाणिज्य तथा आपूर्ति मन्त्रालय : १० अर्ब ४८ करोड बजेट विनियोजन

May 29, 2022

काठमाडौँ / संसदमा अर्थमन्त्री जनार्दन शर्माले आगामी आर्थिक वर्षको बजेट प्रस्तुत गरिरहेका छन् । उनले आगामी आवको बजेटमा उद्योग वाणिज्य तथा आपूर्ति मन्त्रालयका लागि १० अर्ब ४८ करोड बजेट विनियोजन गरेको जानकारी दिएका छन् ।
आयात प्रतिस्थापन गर्ने र उत्पादन बढाउने मुख्य उद्देश्य राखेर बजेट ल्याइएकोमा उद्योग क्षेत्रमा १० अर्ब ४८ करोड विनियोजन गरिएको उनले बताए ।
विशेष आर्थिक क्षेत्र सञ्चालनमा ल्याउनुका साथै आन्तरिक उत्पादनलाई प्रोत्साहन गर्ने कार्यक्रम पनि ल्याइएको जनाइएको छ ।
त्यस्तै सरकारले औद्योगिक पूर्वाधारका लागि ३ अर्ब ८९ करोड बजेट छुट्याएको छ । विभिन्न औद्योगिक क्षेत्र र विशेष आर्थिक क्षेत्रको पूर्वाधार विकास गर्न सरकारले यस्तो बजेट छुट्याएको हो । सरकारले गत आर्थिक वर्षबाट विभिन्न ठाउामा नयाँ औद्योगिक क्षेत्र निर्माण थालेको थियो ।
सरकारले वाइन र जुस बनाउने उद्योगलाई पैसा दिने घोषणा गरेको छ । स्थानीय र प्रदेश सरकारको सहकार्यमा निजीक्षेत्रलाई गुराँस, आँप, उखु, लिची, किबी, बेल, जुनार, अंगुर र स्याउलगायतका फलफूलबाट जुस र वाइन बनाउने उद्योग खोल्न सरकारले सहयोग गर्ने भएको छ ।
यसबाहेक उन्नत जातको कपासखेती गर्ने किसानलाई कपासको बियाँ छोडाउने मेसिन दिने पनि सरकारले घोषणा गरेको छ ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -