June 25, 2024

तारा एयर दुर्घटना : सबै शव एकै पटक बुझाइने

June 1, 2022

काठमाडौं / तारा एयरको ९ एन– ‘एईटी’ ट्विनअटर विमान दुर्घटनामा परेर मृत्यु भएका सबैको शव एकै पटक आफन्तलाई बुझाइने भएको छ । गत आइतबार अर्थात जेठ १५ गते पोखराबाट जोमसोमको लागि उडेको उक्त विमान सोमबार बिहान मुस्ताङको थासाङ गाउँपालिका–२ सानोस्वाँरेस्थित मानापाथी हिमालको फेदीमा दुर्घटनाग्रस्त अवस्थामा फेला परेको थियो ।
उक्त दुर्घटनामा परेर मृत्यु भएका तीन चालकदलसहित २२ जनाको शव एकै पटक आफन्तलाई बुझाइने भएको हो । हाल त्रिवि शिक्षण अस्पताल महाराजगञ्जमा शव पोष्टमार्टम भइरहेको छ । समाचार तयार गर्दासम्म १० वटा शवको पोष्टमार्टम सकिएको छ ।
त्रिवि शिक्षण अस्पतालले प्रहरीको सहयोगमा शवलाई नम्बर अनुसार छुट्याएर पोष्टमार्टम गरिरहेको जनाइएको छ । अस्पतालका अनुसार, अनुहार चिन्न नसकिने शवहरूलाई आफन्तको सहयोगमा कपडा र खतको आधारमा पहिचान गरिएको छ ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -