चितवन खबर पत्रिकाले काठमाडौंमा मनायो एघारौँ वार्षिकोत्सव

काठमाडौँ / चितवन खबर राष्ट्रिय अर्ध साप्ताहिक पत्रिकाले एघारौं वार्षिकोत्सव मनाएको छ । चितवनबाट प्रकाशित चितवन खबर राष्ट्रिय अर्ध साप्ताहिक पत्रिका काठमाडौंमा एक कार्यक्रमका बीच विभिन्न क्षेत्रका प्रतिष्ठित व्यक्तिहरूमाझ शुभकामना आदान प्रदान गरी मनाएको हो । उक्त पत्रिका एक दशकदेखि प्रकाशन हुँदै आएको छ ।
नेपाल चलचित्र कलाकार संघका महासचिव चेतबहादुर सिंह ’राजा’ ले मोफसलमा रहेर विभिन्न चुनौतीका बीच नियमित प्रकाशन गरेकोमा उच्च प्रशंसा गरे । मिडियाले कला र कलाकारलाई सधैं माया गर्दै आएको भन्दै मिडिया र कलाकारिता बीच सधैं नङ र मासुको जस्तै सम्बन्ध हुनुपर्ने उनको धारणा थियो ।
उनले पत्रिकाले विगत एक दशकदेखि देशको समग्र आर्थिक, सामाजिक, राजनैतिक रूपान्तरण खेलेको भूमिका अतुलनीय र अविस्मरणीय रहेको बताए । आगामी दिनमा सामाजिक उत्तरदायित्वका साथै आवाज विहीनको आवाजको रूपमा सदैव स्थापित हुन सुझाए ।
कार्यक्रममा नेपाली चलचित्र उद्योगकी लोकप्रिय अभिनेत्री साम्राज्ञी राज्य लक्ष्मी शाहले पत्रकारिताको माध्यमबाट चितवन खबरले समाजलाई सुसूचित गरेको भन्दै प्रशंसा गरिन् । उनले आगामी दिनमा पत्रिकाले विकृति विसङ्गतिलाई चिर्दै समाजको ऐनाको रूपमा भूमिका निर्वाह गरेर अघि बढ्नुपर्ने भन्दै पत्रिकाको उत्तरोत्तर प्रगतिको कामना गरिन् ।
कार्यक्रमको सभापति एवम् पत्रिकाका महाप्रबन्धक हरि कार्की ‘लक्की’ ले आगामी दिनमा सबैको सल्लाह सुझाव अनुसार नै पत्रिकालाई अझ परिष्कृत र परिमार्जन गर्दै लैजाने बताए ।
पत्रिकालाई यहाँसम्म ल्याई पु¥याउन भूमिका निर्वाह गर्नुहुने समस्त पाठक, शुभेच्छुक विज्ञापनदाताप्रति कार्कीले आभार प्रकट गरे । पत्रिकाले जस्तोसुकै विषम परिस्थितिमा पनि आफ्नो व्यावसायिक धर्म निर्वाह गर्दै आएको उनको भनाइ थियो ।
त्यस्तै नेपाली सांगीतिक क्षेत्रका चर्चित बरिष्ठ सदावहार गायक आनन्द कार्कीले पत्रिकालाई शुभकामना दिंदै पत्रकारिताको जगतबाट चितवन खबरले समाजमा पुर्याएको योगदान प्रशंसा गर्नुभयो ।
कार्यक्रममा लक्की मिडिया हाउस चितवनका निर्देशक समाजसेवी गोविन्द राज पाण्डे, कलाकार कमल खड्का, चलचित्र पत्रकार मनिष कार्की लगायत नागरिक अगुवा, शुभेच्छुक, विज्ञापनदाता लगायतको उपस्थिति रहेको थियो । चितवन खबर पत्रिकाले अनलाइन संस्करण इचितवन खबर डटकम पनि संचालन ल्याएको छ ।