काठमाडौँमा थप दुई जनामा हैजा पुष्टि

काठमाडौँ / शुक्रराज ट्रपिकल तथा सरुवा रोग अस्पतालमा उपचाररत थप दुई जनामा हैजा पुष्टि भएको छ । अस्पतालका अनुसार सानेपाका १ जना र सिन्धुपाल्चोकका १ जनामा हैजा पुष्टि भएको हो । सानेपामा बस्ने व्यक्ति पसल सञ्चालन गरेर बसेका छन् भने सिन्धुपाल्चोकका किसान हुन् । यसअघि बागबजारमा बस्ने दुई जना दिदी–बहिनीमा लाई हैजा पुष्टि भएको थियो ।
इपिडिमियोलोजी तथा सरुवा रोग नियन्त्रण महाशाखाले हैजा पुष्टि भएको क्षेत्र काठमाडौंको बागबजार क्षेत्रको नमुना संकलन गरिरहेको छ । बागबजार क्षेत्रको ढल,पानी, खाद्यलगायतको नमुना संकलन गर्ने इडीसीडीले जनाएको छ । टेकु अस्पतालका सरुवा रोग विशेषज्ञ डा शेरबहादुर पुनले काठमाडौंमा हैजा फैलिसकेको संकेत गरेका छन् ।