अनिश्चितकालका लागि आन्तरिक उडान रोक्ने संघको निर्णय फिर्ता

काठमाडौं / वायु सेवा संचालक संघले आन्तरिक उडान रोक्ने निर्णय फिर्ता लिएको छ । संघले बुधबारदेखि अनिश्चितकालका लागि बन्द गर्ने निर्णय फिर्ता लिएको हो । हवाई सेवा कम्पनीहरुले आज बिहान ११ बजेबाट आन्तरिक उडानहरु नियमित हुने जानकारी दिएको छ ।
वायु सेवा सन्चालक संघले विभिन्न मागहरु राख्दै बुधबारदेखि अनिश्चितकालका लागि आन्तरिक उडान रोक्ने निर्णय गरेको थियो । त्यसलगत्तै नेपाल नागरिक उड्डयन प्राधिकरण र वायु सेवा संचालकबीच वार्ता भएको थियो । गृहमन्त्रालयको समन्वयमा भएको वार्तामा उडान रोक्ने निर्णयबाट वायु सेवा संचालक पछि हटेका थिए ।