चितवनका जिम सञ्चालकहरुको परिचयात्मक तथा भेटघाट

चितवन / विगत लामो समयदेखि मानव शरीरलाई स्वस्थ्य, तन्दरुस्त राख्न महत्वपूर्ण भूमिका खेल्दै आएका चितवन आसपास क्षेत्रका जिम हाउस सञ्चालकहरुको परिचयात्मक तथा भेटघाट कार्यक्रम गरिएको छ ।
भेटघाटमा आगामी साउन २८ गते शनिबार बिहान ८ बजे चितवन जिम हाउसको रिजालचोकस्थित प्राङ्गणमा जिल्लाभित्र सञ्चालनमा रहेका जिम हाउसका सञ्चालकहरुको वृहत भेला गराई समिति गठन गर्ने कार्यक्रमका अध्यक्ष प्रकाश गुरुङले जानकारी दिए ।
छलफलमा सहभागी जिम हाउसका सञ्चालकहरुले आगामी दिनमा जिम हाउस सञ्चालकहरुले आफ्नै छुट्टै समिति दर्ता गराई जिम हाउसका गतिविधिहरुलाई खेल मार्फत अगाडि बढाउन प्रतिवद्धता समेत गरेका थिए । सोही अवसरमा जिम सञ्चालकहरुले आ–आफ्ना धारणा राखेका थिए ।
कार्यक्रममा पावर हाउस जिम नारायणगढका आनन्द गुरुङ, श्रेष्ठ जिम हाउस रत्ननगरका इन्द्रबहादुर श्रेष्ठ, फिटफेशन गैंडाकोटका चन्दन विश्वकर्मा, माडी जिम हल माडीका निर्मल लामिछाने, ओम फिटनेश भरतपुरका राजकुमार श्रेष्ठ, रिभाइल फिटनेश भरतपुरका सुरज लामा, चनौली जिम हल चनौलीका अनिल कुमार श्रेष्ठ, क्लव डि फियुके भरतपुरका प्रतिक पन्त, भिआईपी जिम नारायणगढका सुदन पण्डित, पावर हाउस जिमका प्रशिक्षक सुरेश गुरुङ, समाजसेवी राकेशमान श्रेष्ठ, उज्यालो टाईम्स मिडिया एण्ड एडभरटाइजिङ प्रा.लि.का अध्यक्ष तथा प्रधान सम्पादक राजु भट्ट, चनौली जिम हलका कर्मचारी सुभम् घिमिरे लगायतको उपस्थिति रहेको थियो ।
कार्यक्रम चितवन जिम हाउसका प्रबन्ध निर्देशक प्रकाश गुरुङको अध्यक्षता सम्पन्न भएको हो ।