बागमती प्रदेश : तीन वटा विधेयक प्रमाणीकरण

मकवानपुर / बागमती प्रदेश प्रमुख यादव चन्द्र शर्माले प्रदेशसभाबाट हालै पारित भई आएको विभिन्न तीन वटा विधेयक प्रमाणीकरण गरेका छन् । प्रदेश प्रमुख शर्माले सोमबार नेपालको संविधानको धारा २०१ को उपधारा २ बमोजिम तीन वटा विधेयक प्रमाणीकरण गरेको प्रदेश प्रमुख सचिवालयले जनाएको छ ।
प्रदेश प्रमुख शर्माले केही प्रदेश ऐनलाई संशोधन गर्न बनेको विधेयक २०७९, प्रदेश संचारमाध्यम व्यवस्थापन ऐन २०७५ लाई संशोधन गर्न बनेको विधेयक २०७९ र प्रदेश अुनसन्धान ब्यूरो, सेवा गठन स्थापना तथा कर्तव्य र अधिकारको सम्बन्धमा व्यवस्थापन गर्न बनेको विधेयक २०७९ लाई प्रमाणीकरण गरेको प्रदेश प्रमुख सचिवालयका प्रवक्ता कृष्णप्रसाद आचार्यले जानकारी दिए ।
प्रमाणीकरण भएका विद्येयकहरु आगामी केही दिनमा नै राजपत्रमा प्रकाशन हुने र कार्यान्वयनको चरणमा जाने प्रदेशसभा सचिवालयले जनाएको छ । प्रदेशसभा सचिवालयले सो विद्येयकहरुलाई राजपत्रमा प्रकाशनको लागि आन्तरिक मामिला तथा कानुन मन्त्रालयमा पठाउने जनाएको छ ।