वाम गठबन्धनको चुनावी सभा आज, प्रम देउवासहित शिर्ष नेताको सम्बोधन

चितवन / लोकतान्त्रिक–वाम गठबन्धनले आज (शनिबार) चितवनको गेष्ट हाउस चौरमा चुनावी सभा गर्दैछ । गठबन्धनले आयोजना गर्ने चुनावी सभालाई सम्बोधन गर्न प्रधानमन्त्री शेरबहादुर देउवासहितका शीर्ष नेताहरू आउने भएका छन् ।
कार्यक्रममा नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’, नेकपा (एकीकृत समाजवादी) का अध्यक्ष माधवकुमार नेपाल, डा बाबुराम भट्टराईले सम्बोधन गर्ने कार्यक्रम रहेको नेपाली कांग्रेस चितवनका सचिव ध्रुव पोखरेलले जानकारी दिए ।
एमालेको पनि लगत्तै ः
यस्तै नेकपा (एमाले)ले पनि कार्तिक २८ गते चितवनमा चुनावी सभा गर्दैछ । उक्त सभालाई सम्बोधन गर्न एमाले अध्यक्ष केपी ओली चितवन आउने कार्यक्रम रहेको एमाले चितवनले जनाएको छ ।