विश्वकप क्वार्टरफाइनल आज, दुई खेल हुँदै

काठमाडौं । कतारमा जारी विश्वकप २०२२ को क्वार्टरफाइनल खेल आज (शुक्रबार) देखि सुरु हुँदैछ । प्रत्येक चार वर्षमा हुने विश्वकप कसले बाजी मार्ला आमजनमानसको चासो र कौतुहलताको विषय बन्दै गएको छ ।
आज हुने पहिलो क्वार्टरफाइनलमा ब्राजिल र क्रोएसियाबीच प्रतिस्पर्धा हुँदैछ । यो खेल शुक्रबार राति ८ः४५ मा सुरु हुँदैछ । विश्वकप फुटबलमा ब्राजिल बलियो टिम भएकाले क्रोएसियाले धेरै मेहेनत गर्नुपर्ने देखिन्छ ।
यस्तै दोस्रो क्वाटरफाइनलमा अर्जेन्टिना र नेदरल्यान्ड्सबीच प्रतिस्पर्धा हुनेछ । यो खेल राति १२ः४५ बजे सुरु हुदैछ । दुबै टिम बलिया टिम भएकाले प्रतियोगिता प्रतिस्पर्धात्मक हुने अनुमान गरिएको छ । अर्जेन्टिनाका क्याप्टेन बहुचर्चित खेलाडी मेसीलाई देशको लागि जित्नै पर्ने दबाब छ ।
यस्तै, क्वाटरफाइनलका अन्य दुई खेल शनिबार हुनेछन् । शनिबारको पहिलो खेलमा फ्रान्स र इंग्ल्यान्डबीच प्रतिस्पर्धा हुनेछ । क्वाटरफाइनलको अन्तिम खेलमा शनिबार मोरक्को र पोर्चुगलबीच प्रतिस्पर्धा हुँदैछ ।