चितवन गार्डेन रिसोर्टमा शिल, बिहे भोज खाँदा २ सय बढी बिरामी

चितवन / बिहे भोज खाएकाहरु बिरामी परेपछि चितवन गार्डेन रिसोर्टमा शील लगाइएको छ । मंगलबार साँझ सहायक प्रमुख जिल्ला अधिकारी चिरञ्जीवि शर्मा र चितवन क्षेत्र नं. २ का सांसद रवि लामिछानेको उपस्थितिमा रिसोर्टमा शिल लगाइएको हो ।
नवलपुरको गैंडाकोटबाट भरतपुर जन्ती आएकाहरुले भरतपुरमा रहेको उक्त रिसोर्टमा शुक्रबार बिहे भोज खाएपछि बिरामी परेका थिए । बिहे भोज खाएकाहरुलाई ज्वरो आउने, पेट दुख्ने, पखाला लाग्ने समस्या भएपछि अस्पताल भर्ना गरिएको छ ।
यी समस्या देखा परेका बिरामीहरुलाई नेशनल सिटी हस्पिटलमा भर्ना हुन आग्रह गरिएको होटलका प्रवन्ध निर्देशक जनार्दन रिजालले जानकारी दिए । उनका अनुसार ६६ जनाले उपचार समेत गराई सकेका छन् ।
अन्य २ सय भन्दा बढी बिरामी परेका छन् ।