विश्वकप विजेताको पुरस्कार राशी ४२ मिलियन अमेरिकी डलर

काठमाडौं / कतारमा हुने विश्वकप फुटबलको फाइनल खेल कसले बाजी मार्ला निकै चर्चाको विषय बनेको छ । विश्वकपको फाइनल खेल आइतबार राति अर्जेन्टिना र फ्रान्स भिड्दै छ ।
अर्जेन्टिनाका कप्तान लियोनल मेस्सी तेस्रो पटक विश्वकप फुटबलको उपाधि जित्ने लक्ष्यमा छ भने फ्रान्स पनि लगातार दोस्रो पटक गरी समग्रमा तेस्रो पटक उपाधि जित्ने योजनामा छ ।
विश्व फुटबलकै महाकुम्भका विजेताको पुरस्कार कति हो भन्ने आम मानिसमा निकै कौतुहलता बढेको छ । विजेता टोलीसँगै अन्य टोलीले पनि पुरस्कार पाउँछन् । विश्वकप विजेताले उपाधिसँगै ठूलो मात्रामा नगद रकम पाउँछ । कतारमा विश्वकपको विजेताले अहिलेसम्मकै सबैभन्दा धेरै ४२ मिलियन अमेरिकी डलर पाउनेछ । सन् २०१८ मा फ्रान्सले पाएको विश्वकपको पुरस्कारभन्दा ४ मिलियन धेरै हो ।
अब बन्ने विश्वकप विजेताले पाउने रकम नेपालीमा हिसाब गर्दा नेपाल राष्ट्र बैंकअनुसार शनिबारको अमेरिकी डलरको बिक्री मूल्य अनुसार करिब ५ अर्ब ५६ करोड ६१ लाख ४६ हजार ६०० हुन्छ । यस्तै उपविजेताले ३० मिलियन डलर अर्थात् नेपाली रकम ३ अर्ब ९७ करोड ५८ लाख १९ हजार पाउने छ ।
तेस्रो हुने टिमले २७ मिलियन अर्थात् ३ अर्ब ५७ करोड ८२ लाख ६० हजार पाउँदा चौथो हुने टिमले २५ मिलियन अर्थात् ३ अर्ब ३१ करोड ३१ लख ८२ हजार ५०० रुपैयाँ पाउनेछन् ।