उवासंघ र ब्युटिपार्लर युनिटीको चार दिने निःशुल्क सेमिनार

चितवन / उद्योग वाणिज्य संघ चितवन र चितवन व्युटिपार्लर युनिटिको संयुक्त आयोजनामा नेल आर्ट, रसियन हेयर स्टाइल र मेकअप सम्बन्धी चार दिने निःशुल्क सेमिनार सम्पन्न भएको छ ।
कार्यक्रम उवासंघ चितवनका वरिष्ठ उपाध्यक्ष सुमन कुमार श्रेष्ठले उद्घाटन गरेका हुन् । वरिष्ठ उपाध्यक्ष श्रेष्ठले व्यवसायीहरुको आवश्यकता र माग अनुसार तालिम गोष्ठी सेमिनार गर्दै जाने बताए ।
उनले चितवन महोत्सव–२०७९ सफलताका साथ सम्पन्न गर्नका लागि सहयोग गर्न व्यूटिपार्लर व्यवसायीहरुलाई आग्रह समेत गरे ।
संघका प्रथम उपाध्यक्ष चिरन्जीवी सुवेदीले कार्यक्रमलाई समापन गरेका हुन् भने तालिमबाट सिकेका कुरा आर्थिक उत्पादनमा सहयोग पुग्ने बताए ।
सेमिनार पौष १७ गतेदेखि २० गतेसम्म सञ्चालन भएको थियो भने १०० जना प्रशिक्षार्थीहरुको सहभागिता रहेको थियो । उक्त सेमिनारमा सावित्री रेग्मी, सुनिता खड्का, सविना महतो, संगिता अर्यालले प्रशिक्षण दिएको संघका कार्यक्रम अधिकृत गणेश सुवेदीले जानकारी दिए ।
चितवन व्युटिपार्लर युनिटीका अध्यक्ष मिना उप्रेतीको अध्यक्षतामा सेमिनार सम्पन्न भएको थियो भने उद्योग वाणिज्य संघ–चितवनको तालिम संयोजक योगिता पियाले गरेकी थिइन् ।