प्रेरणा स्काउटको ३२ जना विद्यार्थी दिक्षीत

चितवन । भरतपुरको प्रेरणा स्कुलमा अध्ययनरत स्काउटका ३२ जना विद्यार्थी दिक्षीत भएका छन् । विद्यालयमा आयोजित दिक्षान्त समारोहमा स्काउटमा रहेका ३४ जना मध्ये ३२ जना विद्यार्थी दिक्षीत भएका हुन् ।
दिक्षीत विद्यार्थीहरु नेपाल स्काउटका समेत सदस्य बनेका छन् । अन्य दुई जनालाई भने पुनः एक कार्यक्रमको आयोजना गरी दिक्षीत गरिने प्रेरणा स्काउटका संयोजक रुपेश थपलियाले बताए ।
स्काउट संयोजक थपलियाले दिक्षीत विद्यार्थीलाई बधाइ तथा शुभकामना दिएका छन् । दिक्षीत विद्यार्थीहरुले ३ महिनाको स्काउटको आधारभुत तालिम लिएका हुन् । आगामी दिनहरुमा थप जिम्मेवारी सहित अघि बढ्न उनले आग्रह गरे ।
करिब १ वर्षको अवधिमा स्काउटले धैरै सकरात्मक परिवर्तन ल्याएको पे्ररणा स्काउटकी गल्र्स लिडर प्रेस्ना जिसीले बताइन् । कक्षा ९ मा अध्ययनरत जिसीले स्काउटले आत्मविश्वास बढाएको जिकिर गरिन् ।
यस्तै स्काउटमा लागेर धेरै लाभ प्राप्त भएको बोइज लिडर सिजन सुनारले बताए । स्काउटले गर्दा छोराछोरीमा आएको परिवर्तनले अभिभावकहरुमा खुशी छाएको छ ।
कार्यक्रम भरतपुर महानगर स्काउट तदर्थ समितिका संयोजक शिव बरालको प्रमुख आतिथ्यतामा सम्पन्न भएको हो भने विद्यालयका प्राचार्य मोहन लामाको अध्यक्षतामा सम्पन्न भएको थियो ।