कोरोना संक्रमित बढ्दै, देशभर १४२ जनामा संक्रमण

काठमाडौँ / नेपालमा पछिल्लो कोरोना संक्रमित देखिन थालेको छ । छिमेकी देश भारतबाट आउने मानिसहरुको परीक्षणमा कोरोना संक्रमण देखिएको हो भने सीमानाकामा कोरोना परीक्षणलाई तिब्र पारिएको छ ।
पछिल्लो २४ घण्टामा १४२ जना कोरोना भाइरस (कोभिड–१९) संक्रमित थपिएको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार एक हजार ७९ जनाको नमुना परीक्षण गर्दा १४२ जना संक्रमण पुष्टि भएको हो ।
सो अवधिमा आरटी पीसीआर विधिबाट ३८१ र एन्टीजेन विधिबाट ६९८ जनाको नमुना परीक्षण गरिएको थियो । तीमध्ये आरटी पीसीआर विधिबाट ४४ र एन्टीजेन विधिबाट ९८ जनामा संक्रमण पुष्टि भएको मन्त्रालयले जनाएको छ ।
आरटी पीसीआर विधिबाट मात्र गरिएको परीक्षणको आधारमा देशमा हाल सक्रिय संक्रमितको संख्या १६३ रहेको पनि मन्त्रालयले जनाएको छ ।