तीन सवारी साधनको एकआपसमा ठक्कर

चितवन / चितवनको टिकौली जङगलमा तीनवटा सवारी साधन एकआपसमा ठोक्किँदा एकजना घाइते भएका छन् । आइतबार भएको दुर्घटनामा कालिका नगरपालिका वडा नं. ६ घर भएका ४६ वर्षीय चालक टेकनाथ वाग्ले घाइते भएका हुन् ।
उनको नयाँ मेडिकल कलेजमा उपचार भइराखेको चितवन प्रहरीका प्रवक्ता विजय पण्डितले जानकारी दिए । पूर्वी चितवनको टाडीबाट भरतपुरतर्फ आउदै गरेको प्रदेश ३–०१–००२ च ७९०१ नं.को कार र सोही स्थानबाटै आएको ना १७ च ६८०० नं.को कार नारायणगढबाट टाडी जाँदै गरेको लु २ च ७१०६ नं.को स्कार्पियो हाईस ठोक्किएको थियो ।
बिहान करिब १० बजे तीन वटा सवारी साधन ठोक्किँदा ना१७च ६८०० नं. को कार चालक कालिका नगरपालिका वडा नं. ६ घर भएका वाग्ले घाइते भएका हुन् ।