चितवन / विगत १८ वर्षदेखि शैक्षिक परामर्श दिँदै आएको नारायणगढको इमेज इन्स्टिच्युट प्रा.लि.ले नयाँ व्यवस्थापनका साथ पुनः सञ्चालनमा आएको छ ।
न्यू इमेज इन्स्टिच्युटको नाममा सन् २००५ देखि क्षेत्रपुरबाट सेवा थालेको यस संस्था इमेज इन्स्टिच्युट प्रा.लि.को नाममा सञ्चालनमा आएको प्रबन्ध निर्देशक मोहन बुढाथोकीले जानकारी दिए । इन्स्टिच्युटले आइतबार १८औं वार्षिकोत्सव मनाएको हो ।
संस्थाका प्रबन्ध निर्देशक मोहन बुढाथोकीले नयाँ व्यवस्थापनका साथमा पुनः सञ्चालनमा आएको इन्स्टिच्युटको रिवन काटेर उद्घाटन गरेका हुन् । उद्घाटन कार्यक्रममा केक काटेर वार्षिकोत्सव पनि मनाइएको थियो ।
यस संस्थाले हालसम्म हजारौं विद्यार्थीलाई उच्च शिक्षाका लागि जापान पठाएको छ । जापानमा उच्च शिक्षा लिएका विद्यार्थीहरूले स्वदेश फर्किएर हस्पिटालिटी, स्वास्थ्यलगायत विभिन्न क्षेत्रमा लगानी पनि गरिरहेको उनले बताए ।
यस संस्थाले दक्ष भाषा प्रशिक्षक र अनुभवी परामर्शदाताबाट विद्यार्थी र अभिभावकलाई सेवा दिँदै आएको छ । साथै जापानको रहनसहन र आधारभूत कानुनी ज्ञानसमेत दिने गरिएको बुढाथोकीले बताए ।
शहीदचोकमा मुख्य कार्यालय रहेको यस संस्थाको चनौली, मेघौली, माडी र गोरखाको हरमटारीमा शाखा कार्यालय रहेको छ । वार्षिकोत्सव कार्यक्रममा संस्थाकी निर्देशक सुजिता सिंह, संस्थाको अभिभावक सुशीला सिंहलगायत विभिन्न शाखा कार्यालयमा जापानिज भाषा पढिरहेका विद्यार्थीको उपस्थिति थियो ।
- ADVERTISEMENT -
