हेटौँडा / तामाङ पत्रकार संघ (एटीजे) मकवानपुरको अध्यक्षमा पुनः जयराम मुक्तान सर्वसम्मत चयन भएका छन् । संघले ३०औं प्रसारण प्रसारण दिवसको अवसर पारेर चौँथो अधिवेसन सम्पन्न गरेको हो । अधिवेशनले मुक्तानको नेतृत्वमा ९ सदस्यीय कार्यसमिति सर्वसम्मत चयन गरेको हो ।
जसको उपाध्यक्षमा सन्देश थिङ, सचिवमा भुवन घलान, सहसचिवमा रविन्द्र वाईबा, कोषाध्यक्षमा जमुना थिङ निर्वाचित भएका छन् । यस्तै सदस्यहरुमा अन्जना न्यासुर तामाङ, सशान्त तामाङ, विवेक वाईबा, छोइसाङ सिन्तानलाई चयन गरिएको छ ।
- ADVERTISEMENT -
त्यस्तै, अधिवेशनबाट प्रदेश प्रतिनिधिमा सुनसानी थिङ र केन्द्रीय प्रतिनिधिमा राजकुमार स्याङ्बो र नवराज वाईबा छानिएका छन् ।
कार्यक्रममा ‘तामाङ अग्रज पत्रकार २०८१’ बाट संस्थापक अध्यक्ष आदर्श सिंह थोकरलाई नगदसहित सम्मानित भए । जिल्ला समन्वय समिति मकवानपुरका प्रमुख ललित घलानको प्रमुख आतिथ्यता रहेको थियो ।
कार्यक्रममा नेपाल तामाङ घेदुङका केन्द्रीय सदस्य मेम्बर लो, नेपाल तामाङ घेदुङ मकवानपुरका अध्यक्ष कालुु घलान, सल्लाहकार सानु लामा दोङ, सचिव किरणमान बल, तामाङ पत्रकार संघ बागमती प्रदेशका उपाध्यक्ष ज्ञानेन्द्र तामाङ, नेपाल पत्रकार महासंघका महासचिव कृष्ण सारु मगर, नेपाल पत्रकार महासंघ मकवानपुरका कार्यवाहक अध्यक्ष ध्रुव अधिकारी लगायतको उपस्थिति थियो ।
