काठमाडौँ / बक्यौता माग्दै उखु किसानहरू चार दिनदेखि राजधानीमा आन्दोलनरत छन् । राजधानीको माइतीघरमा आइतबारदेखि सुरु आन्दोलन हालसम्म पनि जारी रहेको हो ।
उखु किसान महासंघ संघर्ष समितिको आह्वानमा भएको आन्दोलनमा किसानहरूले प्रतिक्विन्टल रु ७० का दरले बक्यौता भुक्तानी हुनुपर्ने माग गरेका छन् ।
- ADVERTISEMENT -
यस्तै चालु आर्थिक वर्ष २०८२–८३ को बजेटमा अनुदानका लागि बजेट विनियोजन नगरेको विषय पनि उनीहरूले उठाएका छन् ।
माइतीघर मण्डलामा शान्तिपूर्ण धर्नामा बसेका उनीहरूले आर्थिक वर्ष २०८१–८२ मा बिक्री गरेको उखुको एक अर्ब ६० करोड रुपैयाँ तत्काल भुक्तानी गर्नुपर्ने, आगामी वर्षमा उखुको अनुदानलाई निरन्तरता दिनुपर्ने र मूल्य निर्धारण आपसी छलफल गरेर मात्र गर्नुपर्ने माग गरेका छन् ।
धर्नामा किसानहरू विभिन्न नारा लेखिएका प्लेकार्ड बोकेर सहभागी छन् ।
