भरतपुर / चितवनको रामपुर बजारमा महाबौद्ध संघ–नेपालको नयाँ कार्यालय उद्घाटन तथा बृहत् रक्तदान कार्यक्रम गरिएको छ ।
कार्यक्रमका प्रमुख अतिथि तथा धर्मगुरु रक्षा लामाद्वारा नयाँ कार्यालयको शुक्रबार उद्घाटन गरिएको महाबौद्ध संघ–नेपालका अध्यक्ष मेकना तामाङले जानकारी दिए ।
- ADVERTISEMENT -
सोही अवसरमा जिल्लामा भइरहेको रगत अभावलाई न्यूनीकरण गर्ने उद्देश्यसहित गरिएको बृहत रक्तदान कार्यक्रममा ५९ जनाले रक्तदान गरे ।
कार्यक्रममा प्रमुख अतिथि लामाले रक्तदान मानव जीवन बचाउने सबैभन्दा ठूलो सामाजिक सेवा भएको बताए । सेवा, करुणा र परोपकारको भावनालाई समाजमा विस्तार गर्न यस्ता कार्यक्रमलाई निरन्तरता दिनुपर्ने उनको भनाइ थियो ।
संघका अध्यक्ष तामाङले रक्तदान गर्ने सबै रक्तदाता, प्राविधिक टोली, स्वयंसेवक, अतिथि तथा कार्यक्रम सफल बनाउन प्रत्यक्ष–अप्रत्यक्ष रूपमा सहयोग गर्ने सबैप्रति आभार व्यक्त गरेको छ ।
संस्थाले आगामी दिनमा पनि मानव सेवा, सामाजिक सद्भाव र बौद्ध धर्मका मानवीय मूल्यहरूको प्रवर्द्धन गर्ने उद्देश्यका साथ यस्ता सेवामूलक कार्यक्रमलाई निरन्तरता दिइने उनको प्रतिबद्धता थियो ।
महाबौद्ध संघ–नेपालका अध्यक्ष मेकना तामाङको अध्यक्षतामा कार्यक्रम सम्पन्न भएको थियो भने सञ्चालन महासचिव कृष्ण लामाले गरे ।
कार्यक्रममा स्थानीय समाजसेवी, विभिन्न संघ–संस्थाका प्रतिनिधि, युवा तथा सर्वसाधारणको सहभागिता रहेको थियो ।
