चितवन / चितवनको शहीदचोकबाट करिब ५० मिटर पश्चिम, एभरेष्ट बैंक नजिक आतिफ आई केयर सेन्टरले दोस्रो शाखा सञ्चालनमा ल्याएको छ । चाडपर्वलाई लक्षित गर्दै सोमबारदेखि दोस्रो शाखा सञ्चालनमा ल्याइएको सेन्टरका सञ्चालक इन्ताफ आलमले जानकारी दिए ।
व्यावसायिक उद्देश्यसँगै सेवामूलक भावनालाई प्राथमिकता दिँदै सेन्टर विस्तार गरिएको सञ्चालक आलमले बताए । नयाँ शाखाको शुभारम्भको अवसरमा दशैं, तिहार तथा छठ पर्वसम्म आम नागरिकलाई २० प्रतिशत र विद्यार्थीलाई ३० प्रतिशत छुट प्रदान गरिने उनले भने ।
- ADVERTISEMENT -
केयर सेन्टरले व्यावसायिक सेवासँगै सामाजिक उत्तरदायित्वलाई पनि प्राथमिकता दिएको छ । यसअन्तर्गत प्रत्येक वर्ष दुई जना अति विपन्न नागरिकलाई निःशुल्क आँखा जाँच सेवा उपलब्ध गराउने योजना बनाएको छ । उनका अनुसार सम्बन्धित व्यक्तिको सिफारिस र आवश्यक प्रमाणका आधारमा निःशुल्क आँखा जाँच गरिनेछ भने आवश्यक परेमा चश्मासमेत उपलब्ध गराइनेछ ।
स्थानीय नागरिक तथा विद्यार्थीलाई सहज, सुलभ र सहुलियतपूर्ण आँखा जाँच सेवा उपलब्ध गराउने उद्देश्यसहित नयाँ शाखा सञ्चालनमा ल्याइएको सेन्टरले जनाएको छ । चाडपर्वको अवसरमा प्रदान गरिने छुटले सर्वसाधारणलाई आँखा जाँच तथा आवश्यक सेवा लिन थप सहज हुने अपेक्षा गरिएको छ ।
- ADVERTISEMENT -
पाँच वर्षअघि हङकङ बजारबाट सेवा सुरु गरेको आतिफ आई केयर सेन्टरले सेवा विस्तार गर्ने क्रममा दोस्रो शाखा सञ्चालनमा ल्याएको हो ।
