हत्याको आशंकमा चार जना पक्राउ – प्रहरी

0
31

हेटौँडा । सुस्मिता केसी थापाको हत्या प्रकरणमा संलग्न चार जनालाई पक्राउ गरी सोमबार जिल्ला प्रहरी कार्यालय मकवानपुरले सार्वजनिक गरेको छ । मृतक केसीको हत्यामा उनकै ५८ वर्षीय ससुरा प्रकाश थापा, २३ बर्षीया कान्छी नन्द सीता थापा, ५० वर्षीय सासू तुलसा थापा र २७ वर्षीय जेठी नन्द दुर्गा थापा संलग्न रहेको मकवानपुर प्रहरीले जानकारी दिए ।
सुस्मितालाई आफ्नै घरको भान्सा कोठामा ससुरा, सासु र कान्छी नन्दले लाठी, लोरोलगायतले टाउकोमा हिर्काएर मारेको प्रहरीको अनुसन्धानबाट खुलेको छ ।
जेठी नन्द दुर्गा थापा भने त्यसदिन काठमाडौँ भएको प्रहरीले जनाएको छ । हेटौँडा उपमहानगरपालिका वडा नम्वर ४ घर भएकी २६ वर्षकी थापा असार २ गते मृत अवस्थामा फेला परेकी थिइन् । प्रहरीको प्रारम्भिक अनुसन्धानबाट सुस्मितालाई ससुरा प्रकाश थापाले केही दिन अघि बाथरुममा यौन दूव्र्यवहारको प्रयास समेत गरेको खुलेको छ ।