भरतपुरमा रेनु दाहाल विषयक वक्तृत्वकला प्रतियोगिता हुँदै

चितवन / कपुरबोट मिडियाको आयोजनामा खुल्ला डिजिटल प्रतियोगिता हुने भएको छ । कपुरबोटले भरतपुर महानगरपालिकाका प्रमुख रेनु दाहालले गरेका निर्माणका कामका बारेमा वक्तृत्वकला प्रतियोगिता गर्न लागेको बुधबार पत्रकार सम्मेलन मार्फत जानकारी गराएको हो ।

उक्त प्रतियोगिता खुल्ला र डिजिटल प्रतिस्पर्धा भएकाले देश विदेश जुनसुकै स्थानमा हुने नेपाली नागरिक यसमा सहभागी हुन पाउने बताइएको छ । प्रतियोगितामा प्रथम हुनेले नगद १ लाख पुरस्कार, द्वितियले ५० हजार पुरस्कार, तृतीयले २५ हजार र सान्तवनाले १० हजार रुपैयाँ प्राप्त गर्नेछन् । भिडियो भाद्र १५ गतेसम्म पठाईसक्नुपर्नेछ ।

- ADVERTISEMENT -

यो प्रतिस्पर्धामा सहभागी हुनका लागि भिडियो कम्तीमा ३ देखि बढिमा ७ मिनेटसम्मको हुनुपर्नेछ । यस प्रतियोगिताको निर्णायकमा चिकित्सक डा. भोजराज अधिकारी, पर्यटनविज्ञ डा. विश्व सुवेदी, शिक्षाविद रमाकान्त सापकोटा र नेपाल पत्रकार महासंघ चितवनका उपाध्यक्ष प्रकाशमणि ज्ञवाली रहेका छन् ।