काठमाडौं / नेपाली कांग्रेसको १५औँ महाधिवेशनअन्तर्गत महामन्त्री पदको मतगणनामा प्रदीप पौडेल, उदयशमशेर राणा र डा. डिला संग्रौला (पन्त) निर्वाचित भएका छन् ।
खुलातर्फ महामन्त्रीका दुई पदमा प्रदीप पौडेल र उदयशमशेर राणा विजयी भएका हुन् । पौडेलले सर्वाधिक ४ हजार १९४ मत प्राप्त गर्दा राणाले २ हजार ३३० मत प्राप्त गरेका छन् ।
- ADVERTISEMENT -
खुलातर्फ महामन्त्री पदमा प्रतिस्पर्धा गरेका डा. सुनिलकुमार शर्माले २ हजार २५७, गुरुराज घिमिरेले १ हजार ५१३, नैनसिंह महरले १ हजार १३४ र अमरसिंह पुन मगरले १ हजार १२५ मत प्राप्त गरेका छन् । त्यस्तै, शंकर तिवारीले १२३ र डा. सन्तोष उपाध्यायले ९७ मत प्राप्त गरेका छन् ।
महिला महामन्त्रीतर्फ डा. डिला संग्रौला (पन्त) विजयी भएकी छन् । उनले ३ हजार ११८ मत प्राप्त गर्दै महामन्त्री पदमा जित हासिल गरेकी हुन् । महिला महामन्त्री पदकी अर्की प्रतिस्पर्धी महालक्ष्मी उपाध्याय (डिना) ले २ हजार ८६४ मत प्राप्त गर्दा रीता खनालले ८०४ मत प्राप्त गरिन् ।
- ADVERTISEMENT -
