कांग्रेसका वरिष्ठ नेता रामचन्द्र पौडेलले निषेधाज्ञा तोडेपछि …

0
168
Nepali Congress party leader and sole candidate for Prime Minister's post Ram Chandra Poudel leaves the parliament in Katmandu, Nepal, Thursday, Oct. 7, 2010. Nepal's parliament has failed again to elect a new prime minister, prolonging the Himalayan nation's political uncertainty. (AP Photo/Binod Joshi)

काठमाडौँ / नेपाली कांग्रेसका वरिष्ठ नेता रामचन्द्र पौडेललाई प्रहरीले नियन्त्रणमा लिएको छ । तनहुँको व्यास नगरपालिका–१ तालघरेबाट वरिष्ठ नेता पौडेललाई प्रहरीले नियन्त्रणमा लिएको हो । निषेधाज्ञा तोडेको आरोपमा प्रहरीले नेता पौडेललाई नियन्त्रणमा लिएको हो ।
ब्यास नगरपालिकाको वडा नं १, १० र ११ जोड्ने तालघरे दुम्सीचौर सडकको बुल्दीखेला पुल उद्घाटन गर्न वरिष्ठ नेता पौडेल गृहजिल्ला तनहुँ पुगेका थिए । तर, पुल उद्घाटन रोक्न भन्दै नेकपा निकट युवा संघको ब्यानरमा दमौलीमा विरोध जुलुस निकालिएपछि जिल्ला प्रशासन कार्यालय तनहुँले उक्त क्षेत्रमा निषेधाज्ञा जारी गरेको थियो ।
निषेधाज्ञा जारी रहँदा पनि पुल उद्घाटन गर्न पुगेपछि नेता पौडेललाई नियन्त्रणमा लिइएको प्रहरीले जनाएको छ । प्रशासनले आज बुधबार साँझ ६ बजेसम्म निषेधाज्ञा लगाएको छ । प्रहरीले बल प्रयोग गरेर आफूलाई नियन्त्रणमा लिएको भन्दै नेता पौडेलले कार्यकर्तामाथिको दमन बन्द गर्न माग पनि गरेका छन् ।