भरतपुर, चितवन / मास्क नलगाई घरबाहिर निस्कने र सामाजिक दूरी कायम नगर्नेलाई चितवन प्रहरीले पक्राउ गर्ने भएको छ । मास्क नलगाई घर बाहिर निस्कने र सामाजिक दूरी कायम नगर्नेलाई कारबाही गरिने जिल्ला प्रशासन कार्यालय चितवनले सूचना जारी गरेको छ ।
मास्क नलगाई घरबाहिर निस्कने र सामाजिक दूरी कायम नगर्नेलाई पक्राउ गरी संक्रामक रोग ऐन २०२० अनुसार कारबाही गर्ने जिल्ला प्रशासन कार्यालय चितवनका प्रशासकीय अधिकृत इश्वर सिंखडाले बताए ।
कोरोना संक्रमणको खतरा अहिले पनि रहेको र हाल लकडाउन पूर्ण रुपमा नखुली व्यवस्थित मात्र गरिएको प्रशासनले जनाएको छ । जरुरी कामबाहेक घरबाहिर ननिस्कने, निस्कँदा अनिवार्य मास्क लगाउने, एकअर्काबीच कम्तीमा २ मिटरको सामाजिक दुरी कायम गर्नुपर्ने प्रशासनको सूचनामा उल्लेख गरिएको छ ।
- ADVERTISEMENT -
