४५ किलो गाँजासहित २ जना पक्राउ

चितवन / ईलाका प्रहरी कार्यालय चनौलीले ४५ किलो गाँजासहित ट्रकका चालक र सहचालकलाई पक्राउ गरेको छ । पक्राउ पर्नेमा धादिङको धाक्रे गाउँपालिका वडा नम्बर ३ का २४ वर्षीय इन्द्रबहादुर तामाङ र २१ वर्षीय दोर्जे तामाङ रहेका छन् ।
उनीहरुलाई आज बिहान भरतपुर महानगरपालिका वडा नम्बर १८ चनौली बजारमा चेकजाँचका क्रममा बा३ख ७९५८ नम्बरको मिनीट्रकमा लुकाई ल्याएको गाँजासहित पक्राउ गरिएको ईलाका प्रहरी कार्यालय चनौलीले जनाएको छ ।
प्रहरीका अनुसार पक्राउ परेकाहरुलाई आवश्यक अनुसन्धान भइरहेको छ । ईन्द्र ट्रकका चालक हुन् भने दोर्जे सहचालक रहेको प्रहरीले बताएको छ ।