हराएकी मञ्जरी १ हप्तापछि भेटिन्

धुलिखेल / काभ्रे जिल्लाको तेमाल गाउँपालिका वडा नं ९ मुक्पाछापकी मञ्जरी तामाङ फेला परेकी छिन् । वर्ष ३८ की मञ्जरी भदौ १ गतेदेखि हराइरहेकी उनका देवर टंकलाल तामाङले बताउनुभयो ।
देवर टंकलालका अनुसार उनी सोमबार सुनकोशी गाउँपालिका वडा नं. ५ स्थित रामटारमा फेला परेको हो । उनीलाई रामटारबाट पूर्वतर्फ गइरहेको अवस्थामा फेला पारिएको हो ।
मानसिक रुपमा समेत केही समस्या भएकी मञ्जरीलाई फेला पारेपछि टंकलालले खोजीकार्यमा साथ दिने सबैलाई धन्यवाद समेत दिनुभयो ।
खोजी कार्यमा इलाका प्रहरी कार्यालय मंगलटार, सम्पूर्ण मुक्पाछापवासी असलमान स्याङतान, कान्छा श्रेष्ठ, पेम्बा स्याङतान, दिलिप तामाङ, राजवीर तामाङ, बाबुकाजी श्रेष्ठ, बुद्ध थोकर, चन्द्रमाया तामाङ, मनकामना जोशी, सोनम तामाङ र सन्जिब ब्लोन लागेका थिए ।
खोजी कार्यका लागि काभ्रे, सिन्धुली र रामेछापका विभिन्न प्रहरी कार्यालयहरुमा निवेदन समेत दिएका थिए ।