पहिरोले आठ घरमा क्षति, पुरिए चार सवारी

–हिरालाल गुरुङ
मुग्लिन / गएरातीको अविरल बर्षासगैँ आएको पहिरोले इच्छाकामनामा आठ घरमा क्षति पुर्याएको छ । चितवनको इच्छाकामना गाउँपालिका ६ पाँच किलो बजारका आठ घरमा क्षति पु¥याएको हो ।
पहिरोले दुई वटा मोटरसाइकल, एक÷एक वटा म्याजिक भ्यान र बलेरो पनि पुरिएको घटनास्थलबाट सहकर्मी पत्रकार चित्रबहादुर गुरुङले जानकारी दिनुभयो । वडा नम्बर ६ कै राष्ट्रिय आधारभुत विद्यालय पैरेनी र सो विद्यालयको शौचालयमा समेत क्षती पु¥याएको उहाँले जानकारी दिनुभयो ।
गुरुङका अनुसार अहिले ती आठ घरका परिवार घर छाडेर सुरक्षित स्थानमा गएका छन् ।
पाँच किलो बजार नारायणगढ–मुग्लिन सडक खण्डमा पर्दछ । यस सडकखण्ड अन्तरगत इच्छाकामना गाउँपालिका ६ चार किलो र पाँच किलो डाडाँमा पहिरो खस्दा अहिले नारायणगढ–मुग्लिन सडक पूर्णरुपमा अवरुद्ध छ ।