१ लाख २४ हजारसहित ११ जुवाडे पक्राउ

गैंडाकोट / गैँडाकोटबाट जुवा (पासा) खेल्ने ११ जना जुवाडेलाई प्रहरीले पक्राउ गरेको छ । गैँडाकोट नगरपालिका वडा नं. ८ स्थित छविलाल सुबेदीको घरमा पासा खेलिरहेका अवस्थामा पक्राउ गरेको जिल्ला प्रहरी कार्यालय पूर्वी नवलपरासीका प्रहरी निरीक्षक सागर पन्तले जानकारी दिए ।
प्रनि पन्तका अनुसार पक्राउ पर्नेमा गैँडाकोट नगरपालिका वडा नं. ८ का ५० वर्षका छविलाल सुवेदी, ५३ वर्षका हरि प्रसाद शर्मा, ५८ वर्षका ढाकाराम भूसाल, वर्ष ४० का भिमलाल बल, वर्ष ५१ का कृष्ण दवाडी, वर्ष ३० का सुरज गुरुङ रहेका छन् ।
त्यसैगरी गैडाकोट ४ का वर्ष ६३ का नन्द केशब शर्मा, वर्ष ४० का मुक्तिनाथ सिग्देल, वर्ष ३९ का रत्नबहादुर सुनार, वर्ष २५ का शरोज गयाजु, वर्ष ३४ का झलकबहादुर राना पक्राउ परेको प्रहरीले जनाएको छ ।
जुवाको खालबाट १ लाख २४ हजार ४ सय ९५ रुपैया समेत बरामद गरेको छ र उनीहरुलाई मुलुकी अपराध संहिता २०७४ को परिच्छेद ५ को दफा १२५ बमोजिम कसुर अन्तर्गत अनुसन्धान कार्य अघि बढाइएको प्रनि पन्तले बताए । उनीहरु सबैलाई ईलाका प्रहरी कार्यालय गैँडाकोटमा राखिएको छ ।