टिपर दुर्घटना : दुई जनाको मृत्यु

रसुवा / रसुवामा टिपर दुर्घटना हुँदा दुई जनाको मृत्यु भएको छ । मृत्यु हुनेहरुमा रसुवाको कालिका गाउँपालिका–१ ग्राङका २७ वर्षीय राजेन्द्र तामाङ र सवारी चालक २५ वर्षीय सागर तामाङ रहेको रसुवा प्रहरीले जनाएको छ ।
प्रहरीका अनुसार, बुधबार राति ग्राङबाट कालिकास्थानतर्फ गइरहेको बागमती प्रदेश ०६–००६ ख १६८८ नम्बरको खाली टिपर दुर्घटना हुँदा उनीहरु गम्भीर घाइते भएका थिए । घाइते उनीहरुलाई उपचारको लागि रसुवा अस्पताल धुन्चे पुर्‍याउँदा चिकित्सकले मृत घोषणा गरेको हो ।
मृतक राजेन्द्र स्थानीय ग्राङ प्राविका शिक्षक थिए ।
टिपरमा सवार कालिका–१ का वडाध्यक्ष मालफूर्पा तामाङ भने गम्भीर घाइते भएका छन् । उनलाई उपचारका लागि काठमाडौं पठाइएको जनाउको छ ।
टिपर सडकबाट करिब २०० मिटर तल खसेको थियो ।