देवघाट गाउँपालिकामा कोरोना संक्रमित घट्दै, थपिए ६ जना संक्रमित

चितवन / तनहुँको देवघाट गाउँपालिकामा कोरोना संक्रमितको संख्या घट्दै गएको छ । देशव्यापी रुपमा फैलिरहेको कोरोना भाईरसको दोस्रो भेरियन्टको प्रभाव गाउँपालिकामा भने कम देखिएको हो ।
बुधबार गरिएकोे २७ जनाको परिक्षणको क्रममा २ जनामा कोरोना भाइरस पुष्टि भएको गाउँपाकिला स्वास्थ्य शाखा प्रदिप बुढाथोकीले जानकारी दिए ।
उनका अनुसार हालसम्म गाउँपालिकामा १ सय ४० जनामा कोरोना परीक्षण गरिएकोमा २६ जनामा मात्र संक्रमण देखिएको थियो । जसमा १७ जना पुरुष र ९ जना महिला रहेका छन् ।
शाखा प्रमुख बुढाथोकीका अनुसार गाउँपालिकामा भएका संक्रमित मध्ये १ जनाको मृत्यु हुनुका साथै १९ जना निको भएका छन् साथै हाल गाउँपालिकामा ६ जना मात्र सक्रिया संक्रमित रहेको छ ।