६० लाखको सामान र ट्रकसहित एक जना पक्राउ

पर्सा / पर्सा प्रहरीले ६० लाख रुपैयाँ बराबरको भन्सार छलीका सामग्री लोड गरिएको ट्रकसहित एक जनालाई नियन्त्रणमा लिएको छ । प्रहरीले वीरगञ्ज महानगरपालिका वडा न।। २२ स्थित परवानीपुर चोकमा चलाइरहेको प्रदेश नं। २–०३–००१ ख ०१२९ नम्बरको मालवाहक ट्रकसहित एक जनालाई प्रहरीले नियन्त्रणमा लिएको हो ।
प्रहरीले उक्त सामान र ट्रकसहित बाराको परवानीपुर गाउँपालिका वडा नं। २ का ३३ वर्षीय नसरुदिन मियाँलाई नियन्त्रणमा लिएको हो । ट्रकमा लोड गरिएका सम्पूर्ण सामग्रीको बिल देखाउन नसकेपछि उनलाई ट्रकसहित नियन्त्रणमा लिइएको जिल्ला प्रहरी कार्यालय पर्साले जनाएको छ ।
सामग्रीहरु उनले पोखरा लगिरहेको प्रहरीलाई बयान दिएको प्रहरीले जनाएको छ । जफत गरिएको सामग्रीमा खुद्रा मालवस्तु र औषधी रहेका छन् । प्रहरीले जफत गरिएको सामग्रीको मूल्यांकन ६० लाख रुपैयाँ गरी आवश्यक कारबाहीका लागि राजश्व अनुसन्धान कार्यालय पथलैया बारामा बुझाएको छ ।