विकास निर्माणलाई जनतामुखी र महिलालाई ५० प्रतिशत भाडा छुट गरिनेछ – शमशेर लामा

चितवन / स्थानीय तह निर्वाचनको पूर्वसन्ध्यामा पाँच दलिय गठबन्धन राप्तीका मेयर पदका उमेदवार शमशेर लामाले एमाले छिन्नभिन्न भएको बताए । राप्तीको भण्डारामा आयोजित गठबन्धनको आमसभामा बैशाख ३० गतेको निर्वाचनपछि एमाले खोजेर पनि नपाउने बताएका हुन् ।
लामाले गठबन्धनको बाध्यात्मक परिस्थिति एमालेले सिर्जना गरेको आरोप लगाए । हिजोको एमालेको गठबन्धन सुन्तलाको रेशा जस्तै फरक फरक विभाजित भएको बताए ।
आजको हाम्रो गठबन्धन स्याउ जस्तै संग्ला भएको उनको जिकिर थियो । बाहिर जस्तै भित्रपनि सग्ला भएकोले गठबन्धनमा कहिँकतै विभाजन नभएको उनको भनाइ थियो ।
लामाले भाषण मात्र हैन, काम गरेर देखाउने प्रतिबद्धता गरे । वडाअध्यक्षको अनुभव र घोषणा पत्रको प्रतिबद्धता अनुसार नै कार्य गरेर देखाउने उनले बताए ।
कृषकलाई कृषिमा अनुदान दिइने र सो उनकै घरमा पुर्याइने व्यवस्था हुने उनले बताए भने विकास निर्माणलाई जनतामुखी बनाई पहाडी भेगमा बसको व्यवस्था गरिने छ ।
जेष्ठ नागरिकलाई सम्मान र भत्ताको व्यवस्था गरिने छ भने फरक क्षमताका भएका महिलालाई ५० प्रतिशत भाडामा छुटको व्यवस्था गरिने उनले बताए ।
उनले प्रतिगामीलाई परास्त गर्नको लागि गठबन्धनका उमेदवारलाई आफ्नो अमूल्य मत दिन सबैलाई आग्रह समेत गरे ।
कार्यक्रममा विभिन्न पार्टीका राजनीतिक दल तथा कलाकारहरु भुवन केसी, निर शाह, रविन्द्र खड्का लगायतले मन्तव्य दिएका थिए भने स्थानीय कलाकारहरुबाट नृत्य प्रस्तुत गरिएको थियो ।