क्यान्टिनको खाजाले बोर्डिङ्गका ३२ विद्यार्थी विरामी

नवलपुर / क्यान्टिनको खाजाले ३२ जना विद्यार्थी विरामी परेका छन् । नवलपुरको रिचर्ड इङ्गलिस बोर्डिङ्ग स्कूलका ३२ जना विद्यार्थी क्यान्टिनको खाजाले विरामी भएका हुन् ।
विनयी त्रिवेणी गाउँपालिकास्थित सर्दीमा रहेको रिचर्ड इङ्गलिस बोर्डिङ्ग स्कूलमा अध्ययनरत ३२ जना विद्यार्थी विरामी भएको जिल्ला प्रहरी कार्यालय नवलपुरका डिएसपी सन्तोष पाठकले जानकारी दिए ।
फुड प्वाइजनका कारण विद्यार्थीहरु विरामी भएको हुनसक्ने बताइएको छ । विद्यालय हाताभित्र रहेको क्यान्टिमा खाजा खाएका २ सय विद्यार्थीहरुमध्ये ३२ जना विरामी भएका हुन् । विहिवार दिउसो खाजा खाएर विरामी भएका उनिहरुको मध्यविन्दु जिल्ला अस्पतालमा उपचार भैरहेको प्रहरीले जनाएको छ । खाजा खाएलगत्तै बान्ता भएपछि उनिहरुलाई उपचारको लागि अस्पताल ल्याईएको हो ।
विरामी हुनेहरुमा १८ जना छात्र र १४ जना छात्रा रहेका छन् ।