भत्तेरी जंगलमा ट्रक र बोलेरो ठक्कर खाँदा दुई घाइते

चितवन / भरतपुर महानगरपालिका वडा नं २९ स्थित भतेरी जङ्गलको ओरालोमा डिब्बा ट्रक र बलेरोमा एक आपसमा ठोक्किँदा दुई जना घाइते भएका छन् । मुग्लिङबाट नारायणगढतर्फ जाँदै गरेको बागमती प्रदेश ३–००१ ख २२२० नंको डिब्बा ट्रक र विपरीत दिशाबाट आउँदै गरेको बा१३च २२८७ नं को बलेरो बिहीबार एक आपसमा ठक्कर खाएको जिल्ला प्रहरी कार्यालय चितवनले जनाएको छ ।
प्रहरीका अनुसार दुर्घटनामा बलेरो चालक धादिङ निलकण्ठ नगरपालिका वडा नं ७ बस्ने वर्ष १८ का समीर नेपाली र बलेरोमा सवार भारत मोतिहारी बस्ने वर्ष ४५ का दिलीप गुप्ता घाइते भएका छन् ।
दुबै घाइतेको भरतपुर अस्पतालमा उपचार भइरहेको अवस्था मध्यम रहेको प्रहरीले बताएको छ । दुबै सवारी साधन र डिब्बा ट्रक चालक नियन्त्रणमा लिइएको र बाटो अवरोध नभएको प्रहरी प्रवक्ता डिएसपी नरहरि अधिकारीले जानकारी दिए ।