काठमाडौं / साइबर अपराध मुद्दामा मंगलबार दिउँसो पक्राउ परेका दुर्गा प्रसाईंलाई आज (बुधबार) काठमाडौं जिल्ला अदालतमा पेस गरिँने भएको छ ।
भक्तपुरको कमेरोटारस्थित निजी निवासबाट पक्राउ परेका प्रसाईलाई म्याद थपका लागि अदालतमा पेस गर्न लागिएको हो ।
- ADVERTISEMENT -
मंगलबारै उनको स्वास्थ्य परिक्षण समेत गरिएको थियो । प्रसाईंले प्रसाईले कम्बोडियामा रहेको टेलिकम एक्जियाटा कम्पनीमा प्रधानमन्त्री केपी शर्मा ओलीको अर्बौं डलर लगानी रहेको भन्दै विभिन्न कागजात राखेर भिडियो सार्वजनिक गरेका थिए ।
सामाजिक सञ्जालमार्फत अफवाह फैलाएका प्रसाईंविरुद्ध साइबर अपराधमा अनुसन्धान अघि बढेको छ । उनीविरूद्ध किर्तेलगायत अन्य कसुरमा पनि अनुसन्धान हुने बताइएको छ ।
प्रसाईँमाथि पहिलेदेखि नै विभिन्न अपराधमा अनुसन्धान भइरहेको थियो । यसअघि मेडिकल व्यवसायी प्रसाईं यसअघि असोज ६ गते पक्राउ परेका थिए । साइबर अपराधसम्बन्धी मुद्दा काठमाडौं जिल्ला अदालतमा विचाराधीन छ । उनि सो मुद्धामा एक लाख रुपैयाँ धरौटी बुझाएर रिहा भएका थिए ।
