नेपालमा थप ४५१, संक्रमित भए ६२११ जना

0
35

काठमाडौँ । नेपालमा पछिल्लो २४ घण्टामा थप ४५१ जनामा कोरोना भाइरस (कोभिड १९) संक्रमण पुष्टि भएको छ । नियमित पत्रकार सम्मेलनमा थप ४५१ जना संक्रमित देखिएको स्वास्थ्य तथा जनसंख्या मन्त्रालयले जनाएको छ ।
संक्रमित ४५१ जना थपिएसँगै संख्या ६ हजार २११ पुगेको छ । मन्त्रालयका प्रवक्ता डा. जागेश्वर गौतमका अनुसार हालसम्म संक्रमितमध्ये एक हजार ४१ जनाले कोरोना जितेर घर फर्किएका छन् ।
जसमा ९ सय ३७ पुरुष र १ सय ४ जना महिला रहेका छन् । पछिल्लोसमय ६७ जना कोरोनामुक्त भई डिस्चार्ज भएका छन् । हालसम्म नेपालमा कोरोनाबाट १९ जनाको ज्यान गइसकेको छ । संक्रमण पुष्टि भएका जिल्लाको संख्या ७३ पुगेको छ ।