‘रगत दिएर हैन, नपाएर मरिन्छ’

भरतपुर । भरतपुर–२ क्षेत्रपुरस्थित तीनवटा संस्थाको संयुक्त आयोजनामा रक्तदान कार्यक्रम भएको छ । उक्त रक्तदान कार्यक्रम सिद्धि विनायक बचत तथा ऋण सहकारी संस्था लि., फलफूल तथा तरकारी थोक व्यवसायी संघ तथा कृषि प्रबर्धन बजार विकास प्रा.लि.को संयुक्त आयोजनामा बिहीबार सम्पन्न भएको हो । ¬¬
कार्यक्रममा प्रमुख अतिथि नेपाल रेडक्रस सोसाइटी चितवनका पूर्व कोषाध्यक्ष अनिता धिताल मैनालीले रक्तदान जीवनदान हो, यही मर्मलाई बुझेर हामीले रक्तदान गर्नुपर्ने बताए । उनले रगत नपाए मरिन्छ तर रगत दिएर मरिन्न भन्दै सबैलाई रक्तदान गर्न आग्रह गरिन् ।
संयुक्त रुपमा आयोजित उक्त रक्तदान कार्यक्रममा ८ महिला सहित ५८ जनाले रक्तदान गरेका थिए । कार्यक्रममा प्रमुख अतिथि धिताललाई मायाको चिनो प्रदान गरिएको थियो ।
उक्त कार्यक्रममा भरतपुर महानगरपालिका वडा नं. २ का अध्यक्ष पूर्णबहादुर श्रेष्ठ, उज्यालो साकोसका अध्यक्ष गोविन्द अर्याल, सविन साकोसका सचिव बद्रिनाथ पोखरेललगायतले शुभकामना मन्तव्य दिएका थिए । कार्यक्रम संचालन मुकुन्दप्रसाद गौतमले गरेका थिए भने समापन थिरप्रसाद धितालले गरेका थिए ।
गत वर्ष पनि तीन वटा संस्थाको संयुक्त आयोजनामा निःशुल्क स्वास्थ्य शिविर तथा रक्तदान कार्यक्रम भएको सिद्धि विनायक साकोसका व्यवस्थापक विकास पौडेलले जानकारी दिए ।