श्रीमानको खुकुरी प्रहारबाट श्रीमतीको हत्या

खैरहनी\चितवन । पूर्वी चितवनमा श्रीमानले श्रीमतीको खुकुरी प्रहार गरी हत्या गरेका छन् । खैरहनी नगरपालिका–९ सिमलटाँडी बस्ने कृष्णप्रसाद अधिकारीले आफ्नै श्रीमती अञ्जु अधिकारीलाई घाँटीमा खुकुरी प्रहार गरी हत्या गरेको इलाका प्रहरी कार्यालय खैरहनीले जनाएको छ ।
उक्त घटना घरायसी विवादका कारण भएको खुल्न आएको छ भने खुकुरी प्रहार हुँदा अधिकारीको घटनास्थलमै मृत्यु भएको प्रहरीले जनाएको छ ।
प्रहरीका अनुसार यो घटना शनिबार राति ९ः४५ बजे भएको हो । प्रहरीले खुकुरी प्रहार गर्ने श्रीमानलाई नियन्त्रणमा लिएको छ भने खुकुरी समेत बरामद गरेको बताएको छ ।